عمرو أديب يوجه رسالة عاجلة إلى وزير الصحة بشأن حـ ادث المنوفية.. ما القصة؟
وجه عمرو أديب رسالة لـ وزير الصحة ناشده فيها بضرورة أن يتم التعامل مع المصابين في حـ ادث المنوفية بشكل مجهز، ونقلهم للمستشفيات المتطورة في المدن من أجل تلقي العلاج اللازم حتى يتم احتواء ما تبقى من الأزمة، من أجل الحد من الأخبار السيئة عن حـ ادث المنوفية.
رسالة عمرو أديب لـ وزير الصحة بشأن حـ ادث المنوفية:
وجه عمرو أديب رسالة إلى وزير الصحة وقال:
"“يا سيادة وزير الصحة لو حالة حبيبة محتاجة رعاية أكبر أو محتاجة مستشفى مجهز يتم نقلها الليلة فورا من غير اي تاخير”.
أخبار عمرو أديب:
تحدث عمرو أديب عن وزير النقل وقال أن كامل الوزير قرر أن سيعاين الطريق الإقليمي من أجل معرفة مستلزمات صيانته، وأكد أنه يحتاج على الأقل 50 مليار جنيه من أجل تطويره.
أزمة الطريق الإقليمي:
أكد عمرو أديب في تصريحاته أن الطريق تم إنشاؤه بتكلفة 8 مليار في حيث أن كامل الوزير أكد أنه يحتاج إلى 50 مليار جنيه، كما أن هناك سيارات تسير بحمولات مضاعفة.
«أنا مش عدو البلد»
بعد أن كان يهاجم كامل الوزير خرج عمرو أديب في تصريحات قال فيها:
" «الموضوع مش كيد… والطريق الدائري الإقليمي لو بقى بكرة كويس وعظيم هنتبسط… لو الطريق عظيم كان بيان مجلس الوزراء اللي طلع النهارده ليه؟! وزيارة كامل الوزير كانت للطريق ليه؟! وتصريحه إن الطريق محتاج 50 مليار جنيه للصيانة، يبقى الطريق محتاج إصلاح… الوزير هو معدي النهارده في الطريق حصل حادثة جنيه، في مشكلة، إيه القضية إنه يبقى في مشكلة، في مشكلة نحلها، إحنا لسه محتاجين نكابر»، مشيرًا إلى أن هناك حوادث يومية تحدث على الطريق، ولا يوجد مجال لأي مكابرة… لو أنا عدو للبلد مكنتش هبقى قاعد هنا، والبلد عارفة مين عدوها ومين مش عدوها.. يجب أن يشعر المسؤول أن هناك مجال للحساب، وإذا صمتنا على ما يحدث قد يكون الضحية في المرة المقبلة قريب لنا».
رسالة عمرو أديب لـ أحمد السقا ومها الصغير
في سياق الحديث عن تصريحات عمرو أديب الأخيرة عن حـ ادث المنوفية، كانت له تعليقات أيضا عن أزمة أحمد السقا ومها الصغير قال فيها أن الشعب والجمهور العربي بشكل عام ينظر للفنانين على أنهم قدوة، ونجوم كبار، وأضاف:
"جيد دائما تكون نموذج ولن نتجنى ونقول أصل الفنانين معندهمش حياة خاصة، لا الفنان عنده حياة خاصة ووارد جدا يبقى عنده مشاكل ووارد جدا أنه يبقى عنده حاجات ملهاش حل زي أي إنسان في أي علاقة عائلية ممكن يحدث انفصال وطلاق وفي الوسط الفني في مصر والعالم أجمع حالات الطلاق بتكون واضحة لأن خبر الفنان مش زي أي خبر عادي".
"لما يبقى أحمد السقا في مشاكل عنده عائلية دي بتبقى خبر الناس بتهتم بيه ولذلك يجب أن يهتم الفنان أن أخباره تبقى طبيعية ميبقاش في أخبار غريبة ومستهجنة لأن الفنان دا له جمهوره وعشاقه وله الناس اللي بتنظر له أنه قيمة كبيرة محدش عنده مشكلة أنك تطلق مراتك ولكن عندنا مشكلة في المشاكل اللي بتتقال، لا دا بيجري وراها أو ممكن يكون اعتدى عليها، كل دا الناس لا تستقبله بشكل واضح من الفنانين".
"طبعا وسط كل هذا الأخبار والإشاعات بتكبر والسوشيال ميديا بتنفخ في الحاجات ولكن في النهاية هي في إيدين أحمد ومها، يقدروا ببساطة يخلوا الأمور شكلها جيد ومحترم لأن عندهم أولاد، خلاص زي ما أمي بتقول زي ما دخلنا بالمعروف نخرج بالمعروف وإحنا لينا إيه عند بعض الطلاق غير أن تاخد بالك من العيال وأنا أخد بالي من سمعتك ونحترم بعض لأننا بني آدمين ولأننا شخصيات عامة وفنانين يلقى علينا الكثير من الأضواء".
تعليق مثير من عمرو أديب على مشوار الهلال في كأس العالم للأندية
من ضمن التصريحات أيضا من الإعلامي الكبير تعليقه على أداء الهلال في كأس العالم للأندية:
«الجانب السعيد من أول ما شوفنا نادي الهلال في كأس العالم للأندية، وهو جاد جدًا مش رايح يعمل أداء مشرف ولا يجرب نفسه قبل الدوري، من أول يوم وهو بيلعب أمام فرق كبيرة وعظيمة زي ريال مدريد مثلا، الهلال فريق واقف على رجليه ومشرف وقوي وعظيم…. الهلال فريق يستحق الوصول لدور الـ16، وليس ضربه حظ أو شيء غير مبرر، وصل على حساب فرق كبيرة وقوية، الهلال شرف الكرة العربية حقًا وصدقًا… في ناس تانية بتطلق هذه الشعارات كدة بلا نتيجة، ولكن الهلال عمل نتيجة اللي بتثبت ده».
