عاجل.. هذه الدولة تخلي مدينة بأكملها بسبب الزلزال المتكرر.. استرها على الجميع يا رب
نتعرف على تفاصيل الزلزال المتكرر في اليابان الذي دعى الحكومة اليابانية لـ إخلاء جزيرة أكوسيكي من سكانها بالكامل حيث أن المخـ اوف من الزلزال متصاعدة بسبب تكرار حدوثه في هذه الجزيرة على وجه التحديد، ونتعرف على كافة التفاصيل في السطور القادمة:
أخبار الزلزال:
أمس الخميس كان هناك أخبار عن الزلزال القوي الذي بلغت قوته 6 ريختر في الجزيرة، ويذكر أن رغم قوة الزلزل ولكن لن تحدث أي خسـ ائر في الأرواح.
الزلزال يتكرر:
تكرار الزلزال صباح اليوم الجمعة بقوة ريختر، ويذكر أن من الضروري معرفة أن المنطقة اليابانية حدثت فيها أكثر من 1000 هزة أرضية، وذلك في يونيو الماضي.
تصريحات عن الزلازل:
كان آخر تصريح عن الزلازل من حسب أثار الجدل على الفيسبوك يحمل اسم "Mohammad Adel Sweilam" تحققت تصريحاته من قبل، كتب عن آخر أخبار الزلازل:
"من الصين شمالا حتى استراليا جنوبا
ومن اليابان حتى مينامار
المربع ده من ٣ ايام وهو يتعرض لاسراب من الزلازل
ممكن والله اعلم نشهد زلزال كبير خلال ايام وربما ساعات".
وكتب أيضا في تحليل للقشرة الأرضية:
"تخيل كده إنك ماسك طبق خزف او فخار وبدأ يتشقّق من النص...واي حركه ع الجانبين او في المنتصف بتزود الشرخ او الكراك بين جانبي الشق
هو ده بالضبط اللي بيحصل في شرق قارة أفريقيا. الصدع ده عبارة عن شق أرضي ضخم، بيبدأ من شمال شرق إفريقيا (تحديدًا من إثيوبيا) مثلث عفار ويمتد لحد جنوب موزمبيق. يعني تقريبا بيشق القارة نصين على مهله.
⛔️العلماء بيقولوا إن فيه قوة تحت الأرض بتمط القشرة الأرضية، زي ما تكون عايزة تفتحها، وده اللي بيخلي الأرض تتشقق وتعمل منخفضات، بحيرات، وبراكين. وبتضغط على جانبي الصدع زي السن لما يضغط على اللثه علشان يطلع
⛔️حسب كلام العلم الموضوع مش جديد خالص، ده بدأ من أكتر من 30 مليون سنة!
في الزمن ده، كانت إفريقيا قطعة واحدة، لكن مع الوقت ونتيجة لحركات الأرض، بدأت الكتلة دي تتفكك من جوّا. يعني الصدع ده مش مجرد صدع بسيط، ده مشروع انفصال قارة بالكامل على مراحل! وواصل لاعمق نقطه في جذور القاره القريبه من النواه
⛔️الصدع الإفريقي العظيم بيتقسم لقسمين:
1. الفرع الشرقي
بيبدأ من إثيوبيا وإريتريا والسودان.
يعدّي على كينيا وتنزانيا.
يوصل لحد موزمبيق وزامبيا.
2. الفرع الغربي
بيمشي من أوغندا والكونغو ورواندا.
يعدي على بحيرات ضخمة زي: بحيرة ألبرت، إدوارد، كيفو، وتنغانيقا
والاتنين دول بيحاوطوا "هضبة البحيرات العظمى"، وهي منطقة مليانة بحيرات عميقة ناتجة عن التشققات دي.
⛔️ طب إيه اللي بيحصل جوّه الصدع؟
لما القشرة الأرضية تتشقّق، بيبدأ يحصل حاجات زي:
براكين نشطة: زي جبل نيراجونجو في الكونغو، وجبل إيرتا ألي في إثيوبيا. الأرض هنا بتغلي من جوّه! وعرضنا ليكم قبل كده ان الصخور في محيط ارتا الي عامله زي فحم الشوايه
زلازل: مش زي الزلازل الكبيرة اللي في اليابان، لكن زلازل متوسطة بتحصل كل فترة. واغلبها على جانبي الصدع وحوله بشكل أكبر
بحيرات بتتكوّن: بسبب الهبوط اللي بيحصل في الأرض، المية بتتجمع وتكوّن بحيرات ضخمة وعميقة جدًا وبعضها بيكون كبريتي او بركاني
⛔️طيب هل إفريقيا هتتشق فعلاً؟
الإجابة القصيرة: كانت آه... بس مش دلوقتي خالص!
العلماء شايفين إن لو استمر الصدع في التمدد بنفس الشكل ده، ممكن بعد ملايين السنين يحصل إن شرق إفريقيا ينفصل عن باقي القارة وتظهر قارة جديدة أو شبه جزيرة مستقلة.
وفي 2018، حصلت حادثة شهيرة في كينيا:
تشقق الأرض فجأة وظهر شق كبير في منطقة "Narok"، طوله كان أكتر من 15 متر، وده خلى الناس تتكلم تاني عن الصدع ويقولوا "هو بدأ فعلاً؟"
☢️لكن بدات تظهر من شهور دراسات وبحوث على قدر عالي من الشفافيه والاحترام في الاواسط العلميه ان عمليه الشق بقت اسرع مما كان متوقع لها وانها بتتسارع بشكل كبير ومقلق
⛔️طيب التاثير على مصر والسودان ايه ؟
مصر مش في قلب الصدع مباشرة، بس قريبة منه من ناحية الجنوب والجنوب الشرقي والسودان اقرب
الصدع بيمر في إثيوبيا والسودان — يعني تحتنا بشوية. لكن في نفس الوقت، فيه تفرعات أو امتدادات جيولوجية ممكن توصل تأثيرها للأراضي المصرية، خاصة في:
جنوب مصر (زي أسوان ومنطقة الشلالات).
الحدود الشرقية (زي وادي عربة وسيناء).
منطقة البحر الأحمر، واللي تعتبر جزء من المنظومة الجيولوجية اللي ليها علاقة بالصدع.
⛔️طب هل ممكن يحصل عندنا زلازل بسبب الصدع؟
أيوه، بس نادر وضعيف نسبيًا. ووارد تحصل زلازل ضخمه شاذه لكن الاحتمالات نادره
الصدع بيسبب زلازل كتير في أماكن زي إثيوبيا وتنزانيا، بس لما بيقرب لمصر، تأثيره بيقل شوية.
لكن بنلاحظ:
أحيانًا بتحصل هزات أرضية خفيفة في جنوب مصر أو على البحر الأحمر.
في زلازل اتسجلت في أسوان والمنطقة حوالين السد العالي، بس دي غالبًا ليها علاقة بوزن المياه الضخم في البحيرة (بحيرة ناصر) وتأثيرها على الطبقات التحتية. زي ماهو بردو مرتبط بقوه ضغط الماء الهائل في محيط سد النهضه الى بتضغط ع منطقه اصلا ضعيفه تكتونيا
⛔️ هل ممكن الصدع يأثر على نهر النيل؟
السؤال ده شائك شوية، لكن الإجابة:
مش مباشرة، لكن فيه احتمال لتأثيرات غير مباشرة في المستقبل البعيد
إزاي؟
لو حصل تمدد كبير في الصدع، وفصل فعلًا شرق أفريقيا عن غربها، ممكن مجرى النيل يتأثر، لأن النهر جاي من الهضبة الإثيوبية، ولو التضاريس اتغيرت، ممكن تتغير كمان طرق تدفق الميه
⛔️ طب هل في استفادة لمصر والسودان من الصدع؟
أيوه ممكن يكون فيه فرص مستقبلية:
1. الطاقة الحرارية الجوفية
لو اتعملت أبحاث أكتر في مناطق جنوب مصر والسودان ، ممكن نكتشف أماكن فيها حرارة تحت الأرض، ودي نستخدمها لإنتاج كهربا نظيفة، زي كينيا.
2. اكتشاف معادن جديدة
الشقوق والصدوع بتفتح الطريق أحيانًا لاكتشافات معدنية.
مصر أصلًا عندها ذهب في الصحراء الشرقية، وممكن الصدع ده يساعد في فهم الجيولوجيا بشكل أفضل.
⛔️طب هل في خطر على المدى القريب؟
زي ما قولنا الكلام القديم (كان ليس الان خالص) ومفيش خطر كبير أو انفصال هيأثر على مصر دلوقتي.
الصدع لسه في مراحل بدائية من الانفصال الجيولوجي.
مصر على أطراف النظام ده، ومش في مركز النشاط".
