ولي أمر يهاجم معلمة ويتهمها بالتحريض على الفتنة وغرس خطاب كراهية ضد المسيحيين ويستغيث بالتعليم
أثار مقطع فيديو متداول على مواقع التواصل الاجتماعي حالة من الجدل، بعدما كشف أحد أولياء الأمور، وهو مسلم الديانة، عن واقعة وصفها بالخطيرة داخل إحدى المدارس في مصر، اتهم فيها معلمة بتلقين الأطفال أفكارًا تحمل تمييزًا دينيًا وإقصاءً للآخرين.
تفاصيل الفيديو
وقال صاحب الواقعة إن المعلمة تحدثت مع التلاميذ عن فترة الكريسماس ورأس السنة، مؤكدة عليهم عدم تهنئة أي شخص بهذه المناسبة، بزعم أن المسلمين لديهم عيدان فقط، وأن تهنئة الآخرين ليست من الدين.
وأضاف أن ابنة شقيقته اعترضت على هذا الحديث داخل الفصل، موضحة للمعلمة أن احترام المسيحيين وتهنئتهم من مكارم الأخلاق، إلا أن رد المعلمة كان صادمًا، بحسب روايته.
وقال الرجل في تصريحاته المباشرة: المعلمة قالت للبنت دول من دينهم؟ دول مفيش دين، دول كفرة، وإحنا مبنقولهمش كل سنة وانتم طيبين عشان منبقاش كفرة زيهم.
وتابع مهاجما المعلمة: دي معلمة في مدرسة في مصر، وده اللي بيتقال للأطفال في عام 2025، وأنا كنت اتكلمت قبل كده عن ابن أختي لما المدرسة قالتله الشطرنج حرام، دلوقتي بقى الموضوع أخطر لما معلمة توصف المسيحيين في المدرسة إنهم كفرة.
واعتبر صاحب الفيديو أن ما يحدث يمثل خطرًا حقيقيًا على النسيج المجتمعي في مصر، قائلًا: إحنا كده رايحين على فين؟ لما نأكد على العيال الصغيرة الأفكار دي ونشربهم من وهم صغيرين عنصرية وكراهية ومشاعر سلبية تجاه الناس اللي حوالينا، ده اسمه إيه؟ ما هذا الهراء؟
وتساءل عن دور الجهات الرقابية، مضيفًا: فين الرقابة من وزارة التربية والتعليم؟ هل عادي معلمة تقول الكلام ده لطلبة؟ هل ده مقبول؟
وأشار إلى أنه قرر نشر الفيديو أملاً في تدخل رسمي، موضحًا: دي مصيبة سودة، وأنا عملت الفيديو ده لو في أي مسؤول حابب يتواصل معايا، يسألني عن اسم المعلمة واسم المدرسة، ونبدأ نبلغ عن الحالات اللي زي دي، لأن الكلام ده لا يصح ولا ينفع، وإحنا كده بنعمل مصيبة في المجتمع المصري، واختتم تصريحاته برسالة تحذير:أتمنى إن حد يتحرك، لأن إحنا فعلًا في مصيبة.
