شيكابالا يوجه رسالة قوية لفتوح: شارة الزمالك ليها تمن

فتح محمود عبد الرازق شيكابالا أسطورة نادي الزمالك النار على أحمد فتوح ظهير أيسر الفريق، بعد الأزمة الأخيرة مع جماهير القلعة البيضاء.

وقال شيكابالا في تصريحات تلفزيونية عبر قناة "إم بي سي مصر 2"، إن اللعب في نادي كبير بحجم الزمالك وحمل شارة القيادة مسؤولية كبيرة.

وأضاف شيكابالا: "لما تلعب في فرقة كبيرة شارة الكابتن ليها تمن، ولازم تبقى قدها، طالما لبست شارة الزمالك وبقيت كابتن من كباتن الفريق يبقى لازم تتحمل المسؤولية".

وأوضح أن الجماهير كانت غاضبة من فتوح وحاولت توصل له رسالة خلال مباراة بترول أسيوط، وهو عارف كويس مضمون الرسالة، لكنه زودها لما رد عليهم بطريقة غير مناسبة.

وتابع شيكابالا: "أتمنى الموضوع يخلص بسرعة، مش عايز في الماتش الجاي ألاقي الناس بتشتم فتوح، هو لازم يعرف إنه غلط في حاجات، والجمهور مستني منه كتير لأنه واحد من كباتن الزمالك، لما بنقول مين اللعيبة الكبيرة في الفرقة بنقول فتوح أول واحد، فلازم يبقى قد المسؤولية دي".