تعرف على طريقة عمل كيكة البرتقال الهشة بأسهل الطرق
بأسهل طريقة من البيت.. عمل كيكة البرتقال الهشة بطعم مميز
لو بتدوري على طريقة عمل كيكة البرتقال الهشة وتطلع معاكي خفيفة وعالية من أول مرة، الوصفة دي هتظبط معاكي بمقادير مظبوطة وخطوات سهلة.
مقادير كيكة البرتقال
3/4 كوب زبدة، 3 بيضات، كوب سكر بودرة، 2 كوب دقيق منخول، 2 ملعقة صغيرة بشر برتقال، 2 ملعقة صغيرة بيكنج بودر، ملعقة صغيرة بشر ليمون، نصف كوب عصير برتقال.
طريقة عمل كيكة البرتقال
بطني القالب الأول، واضربي الزبدة مع السكر لحد ما تبقى هشة زي الكريمة، وضيفي بشر البرتقال والليمون، وبعدين البيض واحدة واحدة مع الخفق، وبعدين ضيفي الدقيق والبيكنج بودر بالتبادل مع عصير البرتقال وقلبي بخفة في اتجاه واحد، وصبي العجينة في القالب ودخليها فرن متوسط الحرارة 20 إلى 25 دقيقة من غير ما تفتحي عليها.
اختبري النضج بعود خلة، لو طلع نضيف تبقى استوت، وسيبيها تبرد قبل التقديم، وبكده تكون طريقة عمل كيكة البرتقال الهشة جاهزة بطعم خفيف وريحة منعشة.