ازاي تكتشف عطل في عربيتك بنفسك
خاص لموقع الحق والضلال
كتبت رينا يوسف
لما العربية تحدف منك تبقي عايزة ظبط زوايا
لما تسحب ببطئ وتنتش تبقي عايزة بوجيهات
لما الجنط يسخن ويبقي عليه هباب تبقي فيه مشكلة في تيل الفرامل
لما تبطل منك وانت ماشي بعد ما تنتش كتير تبقي عايزة فلتر بنزين
لما يكون فيه ضعف في السحب وفيه صوت عالي من الموتور يبقي فيه كسر في الشكمان
لما العربيه تتهز مع الفرامل تبقي عايزة طنابير
لما تحس انها مفككه من تحت تبقي عايزة تربيط عفشه
لما تلاقي الفيتيس تقيل في الحركة تبقي عايزة تغيير زيت الفيتيس
لما الدريكسيون ميرجعش لوضعه تبقي عايزة تغيير صليبه
لما تلاقي غطا زيت الموتور عليه طحينه تبقي جابت جوان وش سلندر
لما العربيه تستهلك بنزين كتير تبقي محتاجه تغير اما حساس الشكمان او سلك البوجيهات او البوجيهات نفسها او كابلات الانجيكشن
لما تهز بعد سرعة 100 كيلو تبقي عايزة ترصيص خلفي
لما كهرباء العربية تفصل وترجع تاني تبقي عايزة اواطيس بطاريه
لما تلاقي هزة قبل 100 كيلو تبقي عايزة ترصيص امامي
لما تكون العربيه مكتومه وسحبها ضعيف تبقي عايزة تنظيف الكربراتير او كابلات الانجكشن
لما تلاقي دواسة الفرامل محجرة تبقي عايزة سيرفو
لما تسمع خبطة وانت بتنقل الفيتيس تبقي عايزة تغيير كبالن داخليه
لما تلاقي العربيه بتعوم منك تبقي عايزة جلب مقصات او مساعدين خلفي
لما تلاقي في مية الراياتير ريم زيت بني تبقي جابت جوان وش سلندر
لما العربيه تزيق في الملفات والدريكسيون يبقي تقيل تبقي عايزة تغيير البطاحات
لما العربيه تسخن وتبطل يبقي الردياتير فاضي
لما تسمع صوت تخبيط في علبه صاج يبقي فحم علبة البيئة عايز يتغير
لما تسمع صوت عالي تحت الكنبه وضعف في السحب يبقي الشكمان مكسور
لما تكون العربيه واقفه وتسمع صوت طرقعه مع لف الدريكسيون يبقي عايزة تغيير اسكترا
لما تلاقي طقطقه في الملفات يبقي عايزة تغيير كبالن
لما ترعش بشكل مستمر وانت ماشي ببطئ يبقي عايزة قواعد موتور