شاركنا برأيك ..دخلت شريك في شركة مستلزمات سباكة واتنصب عليا ..هل اقاضيه ؟
خاص لموقع الحق والضلال
كتبت: نورهان عبدالله
عرفت شخص عنده شركه لانتاج مستلزمات سباكه عرض عليا انى ادخل شريك معه اعطيته مبلغ واخذت منه شيكات وايصالات امانه بعد دخولى معه اكتشفت ان دى شغلته ان ياخذ فلوس من الناس ولا يسددها وانه مديون لطوب الارض بالرغم من مظاهر البذخ الذى يظهر بها هو ومراته وابناءه وليس عنده مقدره على اداره الاعمال وارباح الشركه اخذها لنفسه طالبته بالمبلغ قال لى حاضر وبكره بعده ولا ينفذ اى اتفاق غير انه كداب ولا تاخذ منه اى وعد ينفذ بعد شد وجزب وخناقات التزم بعده مواعيد للسداد ولا تنفيذ اخذت منه ورق بالمبلغ ومواعيد للسداد ومرت المواعيد ولم يسدد معى منه شيكات وهى طبعا بدون رصيد وايصالات امانه فهل اتقدم وارفع بها قواضى علما بان طوب الارض رافع عليه قواضى بشيكات وبعضهم اخذ عليه احكام وهو اما بيزوغ من تنفيذ الاحكام او مضبط مع تنفيذ الاحكام بحيث بيبلغوه ان يوجد قوه موجهه اليه فا بيزوغ قبل تصل اليه القوه وهم عارفينه وبيظبط معاهم بحيث ان الاحكام اللى عليه تبقى بلا جدوى كلمت طوب الارض لحل المشكله ودى معه ومنهم ناس كبيره وهو بيسكنهم ويحلف انه هايدفع فى ميعاد بيحدده هو ووقت التنفيذ ما بينفذش ويعطى مواعيد اخرى وفى الاخر الناس دى قالولى انه شخصيه زباله وكدابه ومش ها يدفع لقد طفح بى الكيل منه ومش عارف اعمل معاه ايه بالرغم من الشيكات والايصالات؟تنصحوني اعمل ايه ؟
ملحوظة:
لو عندك مشكله وعاوز تشارك معانا بيها ارسل لنا علي الإيميل ده