تجربة غيرت مسار حياة بنت بعد ماانقذتهم من الغرق

خاص لموقع الحق والضلال

كتبت: نورهان عبدالله

نشرت صفحة "you wedding planne "

تجربة بنت انقذت حياة اتنين من البحر فتقول:

من ساعتين كنت في اجتماع في جميرا بيتش قاعدة علي البحر و فجأه لقيت ناس بتصوت و عربيتين اسعاف علي الشاطئ و كولو بيصرخ. انا كنت قاعده في مطعم يبعد عن البحر ١٠٠ متر علي الاقل، محستش بنفسي غير و انا بجري باقصي سرعة اتجاه الناس البتصرخ و عربية الاسعاف، بقول لواحد في ايه قالي في راجل و ست جوه البحر بيغرقوا و موج عالي محدش عارف يدخل واحد من الانقاذ جوه و ده الاسعاف مستنين الدعم، من كتر ما الموج عالي و الدنيا ضلمة مش شافة حاجة الساعة ٩ بليل و الدنيا ضلمة كحل و الناس متجمعة مغطين نور العربية المتوجه علي البحر و ماحدش قادر يدخل الموج عالي و منقذ الدخل بيستنجد هوا كمان و في راجل و ست بيغرقوا بصيت للراجل الجمبي قوتلو هات اي حاجة امسك فيها لو غرقت قالي انتي مجنونة الموج عالي الانقاذ جاي و كولو واقف بيتفرج سمعت صوت بكي بنت بتقول امي ونبي محستش بنفسي غير وانا بجري علي الشاطئ و قلعت جزمتي و رميت موبيلي و نطيت في البحر بهدومي سمعت واحد بيصرخ بيقول
Are you crazy come back here you might die
للحظة الخوف وصل لقلبي بس مسمعتش و لا استسلمت لضعفي و عملت المخي خد قراره من غير تأثير حد . الحمد الله الناس طلعت و محدش حصلوا جاحة فرحة البنت و هي بتحضن امها و بتبكي من الفرحة كانت من اسعد لحظات حياتي انا من كام يوم كنت بكره حياتي و كنت بقول انا ولا اي حاجة و مليش اي لزمة و كنت بقول لنفسي انا بعمل ايه هنا يا رب انا كل حاجة فحياتي بايظه و كل حاجة بحبها بخسرها انهاده بس عرفت انا بعمل ايه هنا و ليه ربنا اخد مني حاجة كنت فكراها غاليه اوي او اغلي حاجة في حياتي كنت ديما بقول هو انا ولا حاجة اوي كده عشان محدش يحاول عشاني .
نظره الراجل ليا لما طلعت و الزهول و هو بيقولي who are you
و ردي ليه just a girl قالي You are not just a girl, you are way better than that
توضيح عشان الناس المحترمة الي هتسأل
في ٢ بيغرقوا و كان في منقذ جوه اوريدي معاهم بس من الطبيعي انوا مش هيعرف يطلعهم الاتنين فكان بيشاور لارسال دعم هو مكنش بيغرق زى ما البعض بيقول هو مسيطر علي الوضع انوا يخليهم عايشين بس محتاج مساعده عشان يطلعهم فانا دخلت اساعدوا انا كنت وسيلة مساعده مش اكتر، هو رجع بالست و انا رجعت بالراجل لان الست كانت مسكة في رقبته و مش قادره تسيبه من كتر الخوف
ياريت قبل متحاول تنتقد او تشكر اقرا اول سطر (حادثة غيرت حياتي) ببنسبالي دا رجعلي املي في الحياه و ان ربنا كريم و رحيم اكيد اخد مني حاجات غاليه عشان يبدلني بالاحسن منها شايلنى لحاجه احسن و عشان كده قوالت (حادثة غيرت حياتي)

يوم غير مسار حياتي غير نظرتي للحياه و اولوياتي يوم بني شخصيتي 31/3/2016