الرئيس السيسي يوجه رسالة مؤثرة للمصريين في احتفالية عيد الشرطة "فيديو"
خرج الرئيس عبد الفتاح السيسي، اليوم السبت، خلال احتفالية عيد الشرطة الـ74، بتصريحات مؤثرة ووجه رسالة هامة جدا للشعب المصري، وعلق صورة اصطفاف قوات الشرطة المصرية، مؤكدًا أن هذه المؤسسة تمثل أبناء وبنات الوطن وليس ميليشيات أو جماعات خارجة عن القانون. وقال الرئيس: "أوعى حد من اللي بيشوف الصورة دي يفرق بين الناس، دول ولادنا وبناتنا.. ولاد مصر، لا هما ميليشيات ولا جماعات خارجة عن القانون.. دي مؤسسة من مؤسسات الدولة، واللي فيها دول أبناء وبنات مصر من شعبنا".
تابع باقي التفاصيل في السطور التالية…
تصريحات الرئيس السيسي
وأكد الرئيس أن مهمتهم الأساسية ليست حماية شخص أو نظام، بل حماية الدولة والشعب من المخاطر والتهديدات التي واجهت البلاد على مدار السنوات الماضية، مضيفًا: "مش موجودين في المكان ده عشان حاجة غير عشان أمن مصر، وبأقول ده عشان يمكن حد يحاول يُسيئ، إحنا بنعمل ده مش عشان نحمي نظام، بنعمل ده عشان نحمي دولة بشعبها، اللي معمول ده مش لحماية شخص، لكن لحماية دولة وشعب من مخاطر وتهديدات شوفناها السنين اللي فاتت".
كما تطرق الرئيس إلى دور أسر الشهداء، مشيرًا إلى أسرة الشهيد رامي هلال، قائلاً: "أسرة الشهيد رامي، دي أسرة مصرية، ماما علي وإخواته دول بيت من بيوت مصر، قولت قبل كده هاتوا شبابنا من الجامعات ييجوا يعيشوا معانا، نيجي في الإجازة الصيفية نقوله تعالى يا رامي أقعد معانا نوريك بابا كان بيعمل إيه، ده مش عبء على الأكاديمية، النهاردة الأكاديميات اللي عاملينها بالمستويات اللي موجودة جواها، هدفها تعمل عمل طيب وتضخ دماء جديدة في الدولة المصرية".
واختتم الرئيس كلمته بكلمات مؤثرة عن الشهداء، مؤكدًا أن تضحياتهم باقية وأنهم أحياء عند الله، وأن المشهد الذي شهدته الأكاديمية اليوم يعكس حرص الدولة على حماية الوطن في ظل التحديات المستمرة: "اللي استشهد ماسقطش، ده اللي استشهد باقي، وهم أحياء عند ربهم يرزقون، المنظر ده عشان بلادنا في ظل التحديات اللي موجودة في كل حتة، وأنتوا شايفين، مش عايزين نقول كلام عشان لا نسيء لأحد، اللي موجود ده مش لحمايتي والله، والله والله مش لحمايتي، ده لحماية بلد".
