الفيديو : فيديو.. متصلة لمعتز عبدالفتاح الشعب قرفان من الإعلام.. ياإعلام ياعار

انتقدت متصلة، الدكتور معتز عبد الفتاح، بسبب مطالبته المسئولين بالخروج للشعب وإخباره بالمشكلات التي تعاني منها البلاد بصراحة تامة قائلة: "إنت يا دكتور اللي بتقول الكلام ده؟ ده أنت لو جبت أى واحد بسيط هيقولك على المشاكل مش محتاجة مسئول النخبة هي اللي مش حاسة ومغيبة لكن الشعب عارف اننا بنعيش مشاكل وصابر لكن النخبة بتهيج".

وأضافت المتصلة- خلال مداخلة هاتفية ببرنامج "90دقية-: "حضرتك بتقول طالما المؤامرات بتنجح يبقى فيه تقصير . لا يا فندم مش بالضرورة مصر عليها مؤامرة من الداخل والخارج فيه مؤامرة من الإعلام المصري العار الإعلام ده لازم يتربى ولازم وقفة معاه لأن الشعب قرفان منه".

وتابعت: " ياريت ميبقاش فيه فضائيات ولا برامج احنا مستغنيين عنكم اتقوا الله يا إعلاميين في البلد وإن كنتم ممولين ومعاكم جوازات سفر؛ فإحنا بنعشق تراب البلد اتقوا الله يا إعلام مصر يا عار".

نقلا عن الوفد