محمد صبحي يعلق بعد فيديو السائق ونجل الأخير يصرح: أبويا مش بيذل نفسه
خرج الفنان القديم محمد صبحي، بتعليق منشور على صفحته الرسمية بمنصة فيسبوك، بعد الأزمة التي أثارت جدلا واسعا بمنصات التواصل الاجتماعي، وهي واقعة فيديو انفعاله على السائق الخاص به.
تعليق محمد صبحي على أزمة فيديو السائق
وفي أول رد له، نشر الفنان محمد صبحي عبر صفحته، مقولة قال فيها "رغم كل الماء العذب الذي تصبه السماء في البحر إلا أنه يبقى مالحاً فلا ترهق نفسك .. البعض لا يتغيرون مهما حاولت !".
أول رد من نجل السائق
وعلى الجانب الأخر، فاجأ نجل السائق الذي ظهر في الفيديو، بأول رد منه على الواقعة، وانتقد كافة ما تم تداوله عن والده في منصات التواصل الاجتماعي، وقال: “الراجل اللي بيجري وراه ده هو أبويا، واللي حصل أن أبويا راح الحمام، وللعلم هو عنده 65 سنة يعني مش صغير لما طلع هو مكلموش لأنه مش بيطلع معاه كثير أصلا".
وأضاف نجل السواق الذي ادعى الكثيرون أنه كان يركض وراء سيارة الفنان محمد صبحي: " هو سواق أخته مدام سلوى عشان كده هو كان بيكلمها لما خرج.. وأبويا غلط آه معترضتش”.
وتابع في تصريحاته قائلا: “بس اللي حصل ده عيب جدا ولاقيت ناس عمالة تقول السواق مهمل والسواق مش عارف إيه ولازم يقف جنب العربية موقف طبيعي جدا، ووالدي طول عمره سواق وبيحصل مع كل الناس نفس الموقف ده وعادي بيعدي هو ما أجرمش”.
وفي تصريحاته شرح نجل السائق وعلق: “أنا طالب لو هتنزلي توضيح عشان الراجل ميبقاش متهان قدام العالم كله وكمان ألاقي كلام وحش من ناس لا عارفة ولا فاهمة اللي حصل".
كما أكد في نهاية تصريحاته:" على فكرة أنا أبويا كان شغال مع واحد ومشي بسبب إنه قاله اغسل العربيات وده مش شغله، يعني أبويا مش بيذل نفسه ولا هو اللي عمل كده في نفسه زي ما الناس بتقول”، وذلك على حد تصريحاته.
